(2014 оны 1 дүгээр сарын байдлаар)
 |
I. Нийгмийн үзүүлэлт
I.1 Бүртгэлтэй ажилгүй иргэн
Хөдөлмөр эрхлэлтийн байгууллагад бүртгүүлсэн ажил хайгч иргэдийн тоо 2014 оны 1 дүгээр сарын эцэст 42.5 мянга байгаагийн 22.8 мянга нь эмэгтэйчүүд байна. Эдгээр бүртгэлтэй ажил хайгч иргэдийн 33.2 мянга нь ажилгүй иргэд байгаа нь өмнөх оны мөн үеийнхээс 4.0 мян.хүн буюу 10.7 хувиар,2013 оны 12 дугаар сарынхаас 9.5 мян.хүн буюу 22.3 хувиар буурсан байна. Бүртгэлтэй ажилгүй иргэдийн 18.0 мянга буюу 54.1 хувийг эмэгтэйчүүд эзэлж, өмнөх оны мөн үеийнхээс 2.4 пунктээр өсчээ. Аймаг, нийслэлийн хөдөлмөр эрхлэлтийн байгууллагад 2014оны 1 дүгээр сард ажилгүй 4.5 мян.иргэн шинээр бүртгүүлж, бүртгэлтэй байсан 1.1 мян.иргэн ажилд зуучлагдан орж, 14.1 мян.иргэн ажил идэвхтэй хайхгүй байгаа шалтгаанаар бүртгэлээс хасагджээ. Хөдөлмөр эрхлэлтийн байгууллагад шинээр бүртгүүлсэн болон ажилд зуучлагдан орсон иргэд, жил бүрийн 1 дүгээр сарын эцсийн байдлаар дор үзүүлсэн байдалтай байна
Бүртгэлтэй ажилгүй иргэдийн 0.6 хувийг магистр, доктор, 29.3 хувийг дипломын болон бакалаврын, 8.6 хувийг тусгай мэргэжлийн дунд, 7.0 хувийг техникийн болон мэргэжлийн,
41.8 хувийг бүрэн дунд, 9.6 хувийг суурь, 2.4 хувийг бага боловсролтой, 0.7 хувийг боловсролгүй иргэд эзэлж байн. Улсын хэмжээнд бүртгэлтэй ажилгүй иргэдийн 21.2 мянга буюу 63.9 хувь нь 15-34 насны залуучууд байгаа бөгөөд энэ үзүүлэлт Улаанбаатар хот болон Говь-Алтай, Баян-Өлгий, Орхон, Увс, Өмнөговь аймагт улсын дунджаас 5.4-10.4 пунктээр их байна.
